|
یعقوب نیکزاد آپار منی ... بو دام- دوواردان آل منی آپار منی ... بو دام- دوواردان آل منی سوزوم دوشوب ائلدن - ائله آپار منی اوزون گیله
ییرتیلیب دی داغ - دره سی پوزولوب دی منظره سی داغیلیب دی پنجره سی کیمدی منه تانیش گله آپار منی اوزون گیله
اوتوردوغوم یئر داریخیر یاتدیغیم ائو لر داریخیر هر نه یی بیر بیر داریخیر وئرمه منی الدن - اله آپار منی اوزون گیله
گل منی بوردان یولا سال اوزون ده گئد یانیمدا قال "من"ی منیم اوزوم دن آل بلکه بیر آزجا دینجله آپار منی اوزون گیله
منی بورا داریخدیریر یامان یئرده کیریخدیریر دونه- دونه کاریخدیریر سن اینجیتمه بیله - بیله آپار منی اوزون گیله
دوشرگه یم درده ایندی جانیمدا بیتیب گیزیلتی نئچه دفعه دئمیشم کی آل جانیمی گوله - گوله آپار منی اوزون گیله
نه یاخجی دویدوم ایزیمی نه یاخجی تاپدوم اوزومو نه یاخجی گوردوم گوزومو نه یاخجی قالمیشام بئله آپار منی اوزون گیله
بو نه باهار بو نه قیش دی ؟ سنی سئومک آغیر ایش دی دئمه بورا سنه خوش دی بیه نمه رم هله - هله آپار منی اوزون گیله یعقوب نیکزاد
نظرات بینندگان این خبر فاقد نظر می باشد نظر شما
Aryanic webdesign توسط highportal aryanic
|
تمام حقوق مادی و معنوی این سایت متعلق به موسسه هویت و مهدویت مشگین شهر است و استفاده از مطالب با ذکر منبع بلامانع است. ((طراح : صفری ))
|